ⵉ ⵉⵙⵍⵎⴰⴷⵏ ⴷ ⵉⵏⴷⴱⴰⴱ
ⴰⵎⴰⵡⴰⵍ ⵏⵏⵓ ⵉⵜⵜⵡⴰⵙⵙⵓⴼⴼⵖ ⴰⴼⴰⴷ ⴰⴷ ⵉⵍⵉ ⴷ ⴰⵎⴷⴷⵓⴽⵍ ⵏ ⵉⵎⵛⴽⴰⵏⴻⵏ ⴷ ⵉ ⵓⵏⵍⵎⴰⴷ ⴳ ⵓⵙⵎⵓⵜⵜⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵡⴰⵡⵡⴰⵙ ⵉ ⵎⴰⵏⵜⵏ ⵉⵖⵙⵙ ⴰⴷ ⵢⴰⴽⵣ ⵜⴰⵡⴰⵍⵉⵏ ⴳ ⵉⴷⵍⵉⵙⵏ ⵏ ⵜⵉⵏⵎⵍ, ⵉⵏⵎⵍⴰⵢⵏ ⴷ ⵓⵖⵓⵍ ⵖⵔⵙⵏ ⵎⵉ ⴰⵙⵏ ⵉⵙⵔⵓⵙ ⴰⵡⴰⵍ ⵏⵖ ⵜⵉⵔⴰ ⵏⵏⵙⵏ
ⵏⵍⴰⵢⵎ ⵜⵉⵎⵙⵙⵓⵔⵉⵏ ⵏ ⵓⵎⴰⵡⴰⵍ ⴰⴷ ⵙⴳ ⵉⴷⵍⵉⵙⵏ ⵏ ⵓⵙⵎⵓⵜⵜⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏ ⵓⵙⵍⵎⴷ ⴰⵎⵏⵣⵓ. ⴷ ⵏⵜⵜⴰ ⵓⵍ ⴷ ⴰⵎⴰⵡⴰⵍ ⴰⵎⴰⵜⴰⵢ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵓⵍⴰ ⵉⵖⵙⵙ ⴰⴷ ⵉⵍⴰⵢⵎ ⵢⴰⵍ ⵜⴰⵡⴰⵍⵉⵏ ⵏ ⵜⴰⵎⴰⵣⴰⵖⵜ, ⴰⵎⴰ ⵉⵖⵙⵙ ⴰⴷ ⵉⵍⴰⵢⵎ ⴰⵙⵙⴰⵢ ⵏ ⵜⴰⵡⴰⵍⵉⵏ ⵓⵜⴼⴻⵏ ⴳ ⵓⴷⵍⵉⵙ ⵏ ⵓⵏⵍⵎⴰⴷ ⴳ ⵉⵙⴳⴳⴰⵙⵏ ⵏⵏⵙ ⵉⵏⵎⵍⴰⵢⵏ ⵉⵎⵣⵡⴰⵔⵏ, ⴰⴷ ⵜⵏ ⵉⵙⵙⴼⵖ ⴳ ⵉⵊⵊⵏ ⵏ ⵓⴷⵍⵉⵙ ⵉⵙⵙⵓⵜⵓⵏ ⴰⵖⵓⵍ ⵖⵔⵙ
ⵉⵙⵙⵓⵜⵔ ⵏⵏⵖ ⴰⴷ ⵏⵊⵊ ⵜⴰⵡⴰⵍⵉⵏ ⴷ ⵜⵉⵏⴼⴰⵍⵉⵏ ⴷ ⵉⵎⵙⵙⵓⵔⵉⵏ ⵎⴰⵎⵎⴰⴽ ⵉⵜⴰⴼ ⴷⵉⵙⵏ ⵜⵜ ⵓⵏⵍⵎⴰⴷ ⴷⵉ ⵉⴷⵍⵉⵙⵏ ⵏⵏⵙ ⴰⵎ ⴰⵙⵙⴰⵖⵏ, ⵉⵎⵢⴰⴳⵏ, ⵜⵉⵎⵙⵙⵓⵔⵉⵏ, ⴷ ⵜⵓⵜⵍⴰⵢⵉⵏ ⵉⵏⵎⵍⴰⵢⵏ, ⴰⴷ ⵉⴼⴽ ⵓⵏⵍⵎⴰⴷ ⵜⴰⵡⴰⵍⵜ ⴷⵉ ⵓⵎⴰⵡⴰⵍ ⵙ ⵜⵡⵍⴰⴼⵜ ⴰⵎ ⴰⵍⴰ ⵉⵙⵙⵏ ⴳ ⵓⴷⵍⵉⵙ ⵏⵏⵙ. ⴷ ⵏⵔⵏⵉ ⴰⵎⴰⴳⵓⵜ ⴰⴼ ⵜⴰⵡⴰⵍⵉⵏ ⴰⴳⵓⴷⴰ , ⴰⴼⴰⴷ ⴰⴷ ⵜⵔⵏⵉ ⴳ ⵜⴰⵡⴰⵍⵉ ⴰⵍⴰ ⵉⵙⵙⵏ ⵓⵏⵍⵎⴰⴷ
ⴰⵎⴰⵡⴰⵍ ⵉⵎⵎⴳ ⴰⴼⴰⴷ ⴰⴷ ⵉⵍⵎⴷ ⵙⵉⵙ ⴰⵎⵛⴽⴰⵏ ⴷ ⴰⴷ ⵢⴰⴽⵣ ⴰⵍⴰ ⵓⵎⴰⵡⴰⵍ ⵙⴳ ⵍⵎⵎⵉ ⴷ ⴰⵎⵛⴽⴰⵏ ⴷⵉⵙ ⴰⴷ ⵢⴰⴼ ⵜⴰⵡⴰⵍⵉⵏ ⴰⵍⴰ ⵉⵖⵙⵙ ⴷⵉ ⵜⵎⴷⴷⵓⵔⵜ ⵏⵏⵙ ⵙ ⵓⵎⴰⵜⴰ, ⴰⴼ ⵡⴰⴷ ⵏⵍⴰⵢⵎ ⴷⵉⵙ ⵜⴰⵡⴰⵍⵉⵏ ⵏ ⵓⵙⵍⵎⴷ ⴰⵎⵏⵣⵓ ⵙ ⵓⵎⴰⵜⴰ ⴳⵓⴷⵍⵉⵙ ⵉⵊⵊⵏ ⴷ ⵏⵔⵏⵉ ⵜⵓⴷⵎⴰⵡⵉⵏ ⵙ ⵜⵡⵍⴰⴼⵓⵉⵏ ⵏ ⵓⵎⴰⴹⴰⵍ ⵏ ⵓⵎⵛⴽⴰⵏ ⴰⵎ ⵜⴰⴼⴽⴽⴰ ⵏ ⵓⴼⴳⴰⵏ, ⵉⵔⴰⴹ, ⵉⵔⵓⴽⴰⵏ ⵏ ⵜⵉⵏⵎⵍ, ⵓⵛⵛⵓ, ⵉⵎⵓⴷⴷⴰⵔ, ⵜⵓⵏⵏⵓⵏⵜ; ⵉⴽⵍⵓⵜⵏ, ⴷ ⵓⵟⵟⵓⵏⴻⵏ
