ⴰⴳⵣⵓⵍ ⵏ ⵜⵓⵎⴰⵢⵜ ⵏ ⵜⵙⵖⵓⵏⵜ
ⵉⴼⴼⵖ ⵓⵟⵟⵓⵏ ⵡⵉⵙ ⴽⵔⴰⴹ ⵏ ⵜⴰⵙⵖⵓⵏⵜ «ⵉⵍⵍⵓⵖⵎ» ⵓⴼⴰⵢⵍⵓ ⵓⵙⵙⵏⴰⵏ ⵓⵎⵍⵉⵖ ⵉⵜⵜⵡⴰⵔⴰ ⴰⴼ ⵓⵎⵣⴰⵔⴰⵢ ⵓⵜⵍⴰⵢⴰⵏ ⵏ ⵜⴰⵡⴰⴼⵉⵜ ⵏ ⵓⵊⵉⵍⴰ ⵜⴰⵎⴰⵣⵉⵖⵜ ⴳ ⵓⴳⵎⵓⴹ ⵏ ⵍⵉⴱⵢⴰ, ⵙ ⵓⵏⴽⵛⵓⵎ ⵖⵔⵙ ⵙⴳ ⵜⵙⴳⵉⵡⵉⵏ ⵜⵉⵍⵙⴰⵏⵉⵏ, ⵜⵉⵏⴰⵎⵓⵏⵉⵏ ⴷ ⵜⵉⵎⵣⵔⵓⵢⴰⵏⵉⵏ ⵜⵉⵎⴽⵎⴰⵍⵉⵏ. ⵢⵓⵎⵢ ⵓⵟⵟⵓⵏ-ⴰⴷ ⴰⴱⵔⵉⴷ ⵏ ⵓⵎⵓⵜⵜⵢ ⵓⵜⵍⴰⵢⴰⵏ ⴳ ⵜⴰⵡⴰⴼⵉⵜ, ⴷ ⵓⵙⵎⴰⵢⵏⵓ ⵏ ⵓⴼⵔⴰⵇ ⵏ ⵜⵡⵓⵔⵉⵡⵉⵏ ⵏ ⵓⵙⵎⵔⵙ ⴰⴳⴰⵔ ⴰⵡⴰⵍ ⵏ ⴰⵡⵉⵍⵏ ⴷ ⵜⴰⵔⴰⴱⵜ, ⴷ ⵜⵣⴷⴰⵢⵜ ⵏ ⵜⵎⴰⴳⵉⵜ ⵜⴰⴷⵖⴰⵔⴰⵏⵜ, ⵜⴰⵙⴽⵉⵡⵜ ⵜⴰⵏⴰⵎⵓⵏⵜ, ⵉⵥⴹⵡⴰⵏ ⵏ ⵜⵡⴰⵛⵓⵏⵜ, ⴷ ⵜⴷⴰⵎⵙⴰ, ⵙ ⵓⵙⵎⵔⵙ ⵏ ⵜⵖⵓⵔⵉ ⵜⴰⵙⵓⵙⵢⵓⵍⵙⴰⵏⵜ ⵜⴰⵏⵇⵇⴰⴷⵜ ⵏ ⵜⵣⵔⴰⵡⵜ ⵏ ⵊⵓⵏ ⴱⵓⵍ ⵎⴰⵙⵓⵏ.
ⵉⵥⵍⵉ ⵓⵟⵟⵓⵏ-ⴰⴷ ⵉⵊⵊⵏ ⵓⵟⵟⵓⵏ ⴰⵎⵇⵔⴰⵏ ⵉ ⵜⵣⵔⴰⵡⵜ ⵏ ⵜⴰⵙⴽⵉⵡⵜ ⵜⴰⴳⵏⵙⴰⵏⵜ ⵏ ⵜⵓⵊⵉⵍⵉⵜ, ⵙ ⵓⵙⵍⵍⵣⵢ ⵏ ⵜⵎⴰⵜⴰⵔⵉⵏ ⵏⵏⵙ ⵜⵉⴼⵓⵏⵓⵍⵓⵊⵉⵢⵉⵏ, ⵜⵉⵎⵓⵔⴼⵓⵍⵓⵊⵉⵢⵉⵏ ⴷ ⵜⵉⵎⴰⵡⴰⵍⴰⵏⵉⵏ, ⴷ ⵓⵙⴱⴷⴷⵉ ⵏ ⵓⴷⵖⴰⵔ ⵏⵏⵙ ⴳ ⵊⴰⵔ ⵜⵎⵣⴰⵔⴰⵢⵉⵏ ⵜⵉⵎⴰⵣⵉⵖⵉⵏ ⵜⵉⴳⵎⵓⴹⴰⵏⵉⵏ ⵙ ⵓⵙⵎⵣⴰⵣⴰⵍ ⵏⵏⵙ ⴷ ⵜⵙⵉⵡⵉⵜ, ⵜⴰⴳⴷⴰⵎⵙⵉⵜ, ⴷ ⵜⵎⵣⴰⵔⴰⵢⵉⵏ ⵏ ⵏⴼⵓⵙⴰ. ⵜⵣⵔⵔⵓ ⵜⵓⵎⴰⵢⵜ-ⴰⴷ ⴰⴽⴽⵯ ⴰⵔⵔⴰ ⵏⵏⵙ ⴰⵎⴰⵡⴰⵍⴰⵏ ⴳ ⵓⴼⴰⵡ ⵏ ⵜⵍⴳⴰⵎⵜ ⵏ ⵙⵡⴰⴷⵉⵛ ⵜⴰⵎⵓⵙⵏⵉⵜ, ⵜⵙⵎⵣⴰⵣⴰⵍ ⵜⵜ ⴷ ⵜⵎⵣⴰⵔⴰⵢⵜ ⵏ ⵢⴼⵔⵏ ⵉ ⵓⵙⴽⴼⴰⵏ ⵏ ⵉⵥⵓⵔⴰⵏ ⵓⵎⵖⵉⵔⵏ, ⵜⵉⵢⵢⴰⵜⵉⵏ ⵜⵉⵎⵖⵉⵔⵉⵏ, ⴷ ⵓⴱⵍⵓⵖ ⵏ ⵓⵔⵟⵟⴰⵍ, ⵎⴰ ⵢⴰⴷ ⵉⵙⴽⴰⵏⵏ ⵜⵉⵎⴰⵜⴰⵔⵉⵏ ⵏ ⵓⵃⵟⵟⵓ ⴷ ⵓⵙⵏⴼⵍ ⵉⵙⵍⵢⵉⵏ ⵜⴰⵎⵣⴰⵔⴰⵢⵜ-ⴰⴷ.
ⴰⵔ ⵉⵙⵙⴼⵔⵓ ⵓⵟⵟⵓⵏ-ⴰⴷ ⴰⵎⵣⵔⵓⵢ ⵏ ⵜⵣⵔⴰⵡⵉⵏ ⵜⵉⵍⵙⴰⵏⵉⵏ ⴼ ⵜⵎⴰⵣⵉⵖⵜ ⵏ ⵓⵊⵍⴰ ⵣⵖ ⵜⵉⵔⵔⴰ ⵜⵉⵎⵙⵓⵔⵉⵏ ⵜⵉⵎⵣⵡⵓⵔⴰ ⴰⵔ ⵉⵔⵣⵣⵓⵜⵏ ⵉⵎⵉⵔⴰⵏⵏ, ⵢⵓⵎⵢ ⵓⴽⴽⵯ ⵜⵉⵙⵓⵖⴰⵍ ⴷ ⵓⵙⵎⵢⵏⵓ ⵏ ⵉⴹⵔⵉⵚⵏ ⴷ ⵜⵣⵔⴰⵡⵉⵏ ⵜⵉⵙⵉⵍⴰⵏⵉⵏ ⵉⵙⴽⵔ ⴼⵉⵔⵏⴰⵏⴷⵓ ⵣⴰⵏⵓⵏ, ⵓⵎⴱⵉⵔⵜⵓ ⴱⴰⵔⴰⴷⵉⵣⵉ, ⴰⵏⴷⵔⵉ ⴱⴰⵙⵉ, ⴷ ⴼⵉⵔⵎⵓⵏⴷⵓ ⴱⵔⵓⵏⵢⴰⵜⵉⵍⵍⵉ, ⴷⴷⴰⵡ ⵉⴹⵔⵉⵚⵏ ⵜⵉⵎⵣⵔⵓⵢⴰⵏⵉⵏ ⵏ ⵓⵊⵍⴰ ⴷ ⵜⵙⵓⵖⴰⵍ ⵏⵏⵙⵏⵜ. ⵙ ⵎⴰⵢⴰⴷ, ⴰⵔ ⵉⵙⵎⵓⵏ ⵓⵟⵟⵓⵏ-ⴰⴷ ⵊⴰⵔ ⵜⴰⵣⵔⴰⵡⵜ ⵜⴰⵥⵔⵢⴰⵏⵜ, ⵜⴰⵙⴰⵔⴰⴳⵜ ⵜⴰⵎⴰⴷⴷⴰⵙⵜ, ⴷ ⵓⵙⵎⵣⴰⵣⴰⵍ ⴰⵎⵣⵔⵓⵢⴰⵏ, ⵉⵙⴳⵯⴷⵣ ⵢⴰⵜ ⵜⵓⵎⴰⵢⵜ ⵜⴰⵙⴰⵖⵓⵍⵜ ⵉⵙⵙⵏⴼⴰⵍⵏ ⴳ ⵓⵃⵟⵟⵓ ⵏ ⵜⵓⵊⵉⵍⵉⵜ ⴷ ⵓⵙⴷⵔⵓⵙ ⵏ ⵓⵔⵣⵣⵓ ⴳ ⵜⴰⵢⵙⵉ ⵜⴰⵍⵙⴰⵏⵜ ⵜⴰⵎⴰⵣⵉⵖⵜ ⵜⴰⵍⵉⴱⵉⵜ.
